O'zbekiston va Chuvash Respublikasi o'rtasida ta'lim sohasida yangi hamkorlik sahifasi ochilmoqda! 

Joriy yilning 26 aprel kuni, Chuvash Respublikasi ta'lim vaziri o'rinbosari Marina Nikolayevna Lejnina boshchiligidagi delegatsiya Qarshi shahridagi Osiyo texnologiyalar universitetiga tashrif buyurdi. Delegatsiya tarkibida Chuvash davlat gumanitar fanlar instituti direktori Yuriy Nikolayevich Isayev hamda Chuvash Respublikasi Ta'lim va yoshlar siyosati vazirligi Kasbiy ta'lim va fan bo'limi boshlig'i Lyudmila Nikolayevna Votyakova ham bor edi.

Tashrif davomida universitet rahbariyati bilan kelgusidagi hamkorlik masalalari muhokama qilindi va ikki tomonlama manfaatli shartnoma imzolashga kelishildi. Bu ikki davlat o'rtasida talabalar almashinuvi, qo'shma ilmiy tadqiqotlar va o'qituvchilar malakasini oshirish kabi loyihalarni amalga oshirish imkonini beradi. 

Osiyo texnologiyalar universiteti va Chuvashiya Respublikasi ta'lim vazirligi o'rtasidagi bu hamkorlik O'zbekiston ta'lim tizimini yanada rivojlantirishga xizmat qiladi, deb umid qilamiz!