Yoshlar oyligi doirasida giyohvandlikka qarshi kurash bo‘yicha profilaktik tadbir o‘tkazildi
Yoshlar oyligi doirasida giyohvandlikka qarshi profilaktik tadbir o‘tkazildi Oktyabr oyida yoshlar o‘rtasida giyohvandlikning oldini olishga qaratilgan keng qamrovli profilaktik oylik doirasida Osiyo texnologiyalar universitetida targ‘ibot-tushuntirish tadbiri o‘tkazildi. Tadbirda talaba-yoshlarga giyohvandlikning salbiy oqibatlari va uning oldini olish bo‘yicha muhim ma’lumotlar berildi.
Yoshlar oyligi doirasida giyohvandlikka qarshi kurash bo‘yicha profilaktik tadbir o‘tkazildi
Oktyabr oyi yoshlar o‘rtasida narkotik vositalari va psixotrop moddalarning tarqalishining oldini olish, ularning noqonuniy muomalasiga qarshi kurashish hamda sog‘lom turmush tarzini targ‘ib etishga qaratilgan keng qamrovli tezkor profilaktik oylik sifatida belgilangan.
Mazkur oylik doirasida Osiyo texnologiyalar universitetida talaba-yoshlar ishtirokida giyohvandlikka qarshi kurashish va uning oldini olishga qaratilgan profilaktik tadbir o‘tkazildi.
Tadbir davomida yoshlarga giyohvandlikning inson salomatligi, ta’lim olishi va kelajagiga salbiy ta’siri, shuningdek, narkotik vositalarining noqonuniy iste’moli va tarqalishining xavfli oqibatlari haqida ma’lumot berildi.
Shuningdek, talaba-yoshlar o‘rtasida sog‘lom turmush tarzini targ‘ib qilish, zararli odatlardan yiroq bo‘lish, bo‘sh vaqtni mazmunli tashkil etish hamda turli salbiy ta’sirlarga nisbatan ogohlikni oshirish bo‘yicha tushuntirish ishlari olib borildi.
Tadbir yakunida yoshlarni giyohvandlik kabi zararli illatlardan asrash, ularning sog‘lom va barkamol avlod sifatida voyaga yetishiga ko‘maklashish muhim vazifalardan biri ekani ta’kidlandi.
