🌍 Xalqaro hamkorlik aloqalari mustahkamlanmoqda
🎓 Osiyo texnologiyalar universiteti delegatsiyasi Ozarbayjon Respublikasidagi Ozarbayjon Davlat Pedagogika universiteti Quba filialida bo‘lib, filial direktori hamda professor-o‘qituvchilari ishtirokida xalqaro ilmiy-amaliy konferensiyada qatnashdi.
📚 Konferensiyada:
— Lochin Rahmonov — universitet rektori;
— Ibragimov Elyor Xakimovich — universitet ijrochi rektori;
— O‘ktam Abdullayev — Ilmiy innovatsion tadqiqotlar departamenti boshlig‘i;
— Qurbanova Ayten Narimon qizi — Xalqaro aloqalar bo‘yicha rektor maslahatchisi
o‘zlarining ilmiy ma’ruzalari bilan ishtirok etdilar.
💬 Tadbir davomida ta’lim tizimidagi zamonaviy yondashuvlar, ilmiy tadqiqotlar, xalqaro hamkorlik istiqbollari hamda akademik almashinuv masalalari yuzasidan fikr almashildi.
🤝 Shuningdek, konferensiya doirasida Osiyo texnologiyalar universiteti hamda Ozarbayjon Davlat Pedagogika universiteti Quba filiali o‘rtasida ikki tomonlama hamkorlik memorandumini imzolash marosimi bo‘lib o‘tdi.
✨ Mazkur hamkorlik kelgusida ilmiy tadqiqotlar, professor-o‘qituvchilar va talabalar almashinuvi hamda xalqaro ta’lim loyihalarini amalga oshirishda muhim ahamiyat kasb etadi.
