“Markaziy Osiyo sivilizatsiya tizimida O‘zbekiston tarixi va madaniyati masalalari” mavzusidagi xalqaro ilmiy-amaliy anjuman
Osiyo texnologiyalar universitetida O‘zbekiston tarixi va madaniyatining Markaziy Osiyo sivilizatsiyasidagi o‘rniga bag‘ishlangan xalqaro ilmiy-amaliy anjuman tashkil etilmoqda. Unda tarix, arxeologiya va madaniyatga oid dolzarb masalalar muhokama qilinadi.
2026-yil 15–16-may kunlari Osiyo texnologiyalar universitetida “Markaziy Osiyo sivilizatsiya tizimida O‘zbekiston tarixi va madaniyati masalalari” mavzusida xalqaro ilmiy-amaliy anjuman o‘tkaziladi.
Mazkur anjuman O‘zbekiston hududining qadimgi va o‘rta asrlar davridan to hozirgi kungacha bo‘lgan tarixiy-madaniy taraqqiyotini ilmiy jihatdan o‘rganish, Markaziy Osiyo sivilizatsiyasidagi o‘rnini aniqlash va yangi ilmiy yondashuvlarni muhokama qilishga qaratilgan.
Konferensiya quyidagi sho‘balar asosida tashkil etiladi:
- Markaziy Osiyo sivilizatsiya makonining shakllanishi va O‘zbekiston hududining qadimgi sivilizatsiyadagi o‘rni;
- Ipak yo‘li davrida iqtisodiy va madaniy rivojlanish;
- Islom sivilizatsiyasi davrida Movarounnahrning ilmiy va madaniy yuksalishi;
- Chor Rossiyasi va Sovet davrida tarixiy jarayonlar;
- Mustaqillik davrida tarixiy merosni tiklash va zamonaviy rivojlanish.
Anjumanda mahalliy va xorijiy olimlar, tadqiqotchilar, professor-o‘qituvchilar va yosh izlanuvchilar ishtirok etishi rejalashtirilgan.
Ishtirok etish bepul bo‘lib, maqolalar 2026-yil 1-mayga qadar qabul qilinadi.
Maqolalarni yuborish uchun:
- Azim Ernazarov: +998 90 428 33 31
- Oydinoy Ochilova: +998 88 902 94 94 | Telegram: @o_ochilova