“Nomli davlat stipendiyalari sohiblarini taqdirlash marosimi”
Osiyo texnologiyalar universitetida nomli davlat stipendiyalariga sazovor bo‘lgan talabalarni taqdirlash marosimi tashkil etildi. Tadbir davomida stipendiatlarga guvohnomalar topshirilib, yoshlarning ilmiy va kasbiy rivojlanishi bo‘yicha tavsiyalar berildi.
2026-yil 6-mart kuni Osiyo texnologiyalar universiteti faollar zalida nomli davlat stipendiyalariga sazovor bo‘lgan talabalarni taqdirlash marosimi bo‘lib o‘tdi.
Tadbir davomida Oliy ta’lim, fan va innovatsiyalar vazirligi tomonidan taqdim etilgan guvohnomalar stipendiat talabalarga tantanali ravishda topshirildi. Universitet rektori talabalarning yutuqlarini yuqori baholab, ularning ilmiy va kasbiy faoliyatida kelgusida ham katta muvaffaqiyatlarga erishishiga ishonch bildirdi.
Quyidagi talabalar nomli davlat stipendiyalariga sazovor bo‘ldilar:
- Tarix yo‘nalishi talabasi Boqiyev Ismoil Sherali o‘g‘li — Islom Karimov nomli davlat stipendiyasi;
- Boshlang‘ich ta’lim yo‘nalishi talabasi Maxmudova Dilnavoz Shavkatjon qizi — Navoiy nomli davlat stipendiyasi;
- Tarix yo‘nalishi talabasi Musurmonov Amir Anvar o‘g‘li — Bobur nomli davlat stipendiyasi.
Tadbir davomida talabalarga xorijda ta’lim olish, malaka oshirish, ilmiy faoliyatni rivojlantirish va qo‘shimcha daromad topish imkoniyatlari haqida ham muhim tavsiyalar berildi. Ayniqsa, ingliz va nemis tillarini mukammal o‘rganish bugungi global ta’lim va mehnat bozorida katta ahamiyatga ega ekani ta’kidlandi.
Mazkur tadbir yoshlarning bilim va intilishlarini qo‘llab-quvvatlash, ularni ilm-fan va kasbiy rivojlanishga rag‘batlantirishda muhim ahamiyat kasb etdi.
