Osiyo texnologiyalar universitetida «Talabalik oltin davrim» nomli bayram konserti bo‘lib o‘tdi

17-noyabr — Xalqaro talabalar kuni munosabati bilan Osiyo texnologiyalar universitetida «Talabalik oltin davrim» nomli bayram konsert dasturi tashkil etildi. Kuy-qo‘shiqlar, sahna chiqishlari va ko‘tarinki kayfiyatga boy tadbir talabalarga unutilmas taassurotlar ulashdi.
Osiyo texnologiyalar universitetida 17-noyabr — Xalqaro talabalar kuni munosabati bilan «Talabalik oltin davrim» nomli bayram konsert dasturi bo‘lib o‘tdi.
Bayram tadbiri universitet talabalari uchun ko‘tarinki kayfiyat va samimiy muhitda tashkil etildi. Konsert dasturi davomida kuy-qo‘shiqlar, badiiy chiqishlar hamda turli sahna namoyishlari ishtirokchilarga bayramona ruh bag‘ishladi.
Tadbir davomida talabalar o‘zlarining ijodiy qobiliyatlari va iste’dodlarini namoyon etish imkoniga ega bo‘ldilar. Bayram dasturi talabalik davrining unutilmas lahzalarini, yoshlik shijoati va do‘stlik muhitini o‘zida mujassam etdi.
«Talabalik oltin davrim» nomli konsert dasturi ishtirokchilarga quvonch, ko‘tarinki kayfiyat va yorqin taassurotlar ulashdi.






